Молитвы о усопших
Чин литии, совершаемой мирянином дома и на кладбище
Молитвами святых отец наших, Господи Иисусе Христе, Боже наш, помилуй нас. Аминь.
Слава Тебе, Боже наш, слава Тебе.
Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Читается трижды, с крестным знамением и поясным поклоном.) Слава Отцу и Сыну и Святому Духу, и ныне и присно и во веки веков. Аминь.
Молитва ко Пресвятой Троице
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради. Господи, помилуй. (Трижды) Слава Отцу и Сыну и Святому Духу и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Господи, помилуй (12 раз).
Приидите, поклонимся Цареви нашему Богу. ( Поклон)
Приидите, поклонимся и припадем Христу, Цареви нашему Богу. ( Поклон)
Приидите, поклонимся и припадем Самому Христу, Цареви и Богу нашему. (Поклон)
Живый в помощи Вышняго, в крове Бога Небеснаго водворится. Речет Господеви: Заступник мой еси, и Прибежище мое, Бог мой, и уповаю на Него. Яко Той избавит тя от сети ловчи и от словесе мятежна. Плещма Своима осенит тя, и под криле Его надеешися. Оружием обыдет тя истина Его, не убоишися от страха нощнаго, от стрелы летящия во дни, от вещи во тьме преходящия, от сряща и беса полуденнаго. Падет от страны твоея тысяща, и тмa одесную тебе, к тебе же не приближится. Обаче очима твоима смотриши, и воздаяние грешников узриши. Яко Ты, Господи, упование мое, Вышняго положил еси прибежище твое. Не приидет к тебе зло, и рана не приближится телеси твоему. Яко ангелом Своим заповесть о тебе, сохранити тя во всех путех твоих. На руках возмут тя, да не когда преткнеши о камень ногу твою. На аспида и василиска наступиши, и попереши льва и змия. Яко на Мя упова, и избавлю и; покрыю и, яко позна имя Мое. Воззовет ко Мне, и услышу его; с ним есмь в скорби изму его, и прославлю его; долготою дней исполню его, и явлю ему спасение Мое.
Слава Отцу и Сыну и Святому Духу, и ныне и присно и во веки веков. Аминь. Аллилуиа, аллилуиа, аллилуиа, слава Тебе, Боже ( Трижды).
Тропарь, глас 4-й
Со духи праведных скончавшихся душу раба Твоего (рабы Твоея) , Спасе, упокой, сохраняя и (ю) во блаженной жизни, яже у Тебе, Человеколюбие.
В покоищи Твоем, Господи, идеже вси святии Твои упокоеваются, упокой и душу раба Твоего, яко Един еси Человеколюбец.
Слава Отцу и Сыну и Святому Духу.
Ты еси Бог, сошедый во ад, и узы окованных разрешивый, Сам и душу раба Твоего упокой.
И ныне и присно и во веки веков.
Едина чистая и непорочная Дево, Бога без семене рождшая, моли спастися душе его (ея) .
Седален, глас 5-й
Покой, Спасе наш, с праведными раба Твоего (рабу Твою) , и сего (сию) всели во дворы Твоя, якоже есть писано, презирая, яко Благ, прегрешения его (ея) вольная и невольная, и вся яже в ведении и не в ведении, Человеколюбче.
Со святыми упокой, Христе, душу раба Твоего (рабы Твоея) , идеже несть болезнь, ни печаль, ни воздыхание, но жизнь безконечная.
Сам Един еси Безсмертный, сотворивый и создавый человека, земнии убо от земли создахомся, и в землю туюжде пойдем, якоже повелел еси, Создавый мя, и рекий ми: яко земля еси, и в землю отъидеши, аможе вси человецы пойдем, надгробное рыдание творяще песнь: аллилуиа, аллилуиа, аллилуиа.
Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Слава Отцу и Сыну и Святому Духу, и ныне и присно и во веки веков. Аминь.
Господи, помилуй (трижды), благослови.
Молитвами святых отец наших , Господи Иисусе Христе, Сыне Божий помилуй нас.
Во блаженном успении вечный покой подаждь, Господи, усопшему рабу Твоему (усопшей рабе Твоея) (имя), и сотвори ему (ей) вечную память.
Вечная память ( трижды).
Душа его (ея) во благих водворится, и память его (ея) в род и род.
Из книги
«Полный православный молитвослов для мирян»
2-е изд., исп. и доп. М.: Сретенский монастырь; «Новая книга»; «Ковчег» , 1998 г.
Молитва за упокой души новопреставленного (усопшего) — папы, мамы, бабушки, дедушки. Текст, как, когда и какую молитву правильно читать. Видео «Со святыми упокой!».
Патриарх Московский и всея Руси Кирилл о том, зачем нужно молиться об умерших (хронометраж: полторы минуты)
Молитва «Со святыми упокой»
Видео, песнопение-молитва (хронометраж: одна минута)
Текст кондака «Со святыми упокой»
Со святыми упокой, Христе,
Души раб Твоих,
Идеже несть болезнь, ни печаль, ни воздыхание,
Но жизнь безконечная.
Текст «Со святыми упокой» современным языком
Со святыми упокой, Христе,
Души рабов Твоих,
Там, где нет ни боли, ни скорби, ни стенания,
Но жизнь бесконечная.
Упокой Господи усопших Рабов твоих!
Заупокойная ектиния в исполнении хора Екатеринбургской Православной Духовной Семинарии под управлением регента Антона Лебедева и Квартета (хронометраж: шесть минут)
Молитва о упокоении усопших
Покой, Господи, душу усопшаго раба Твоего (усопшия рабы Твоея, души усопших раб Твоих) (имярек) (поклон), и елико в житии сем яко человек согреши (человецы согрешиша), Ты же, яко Человеколюбец Бог, прости его (ю, их) и помилуй (поклон), вечныя муки избави (поклон), небесному Царствию причастника (причастницу, причастники) учини (поклон), и душам нашим полезная сотвори (поклон).
Молитва за упокой всех усопших
Упокой, Господи, души усопших раб Твоих: святейших патриархов, преосвященных митрополитов, архиепископов и епископов, во священничестем, церковнем и монашестем чине Тебе послуживших; создателей святаго храма сего, православных праотец, отец, братии и сестер, зде и повсюду лежащих; вождей и воинов, за веру и отечество живот свой положивших; верных, убиенных в междоусобной брани, утонувших, сгоревших, мразом замерзших, растерзанных зверьми, без покаяния внезапно скончавшихся и не успевших примирится со своими враги; тех, о коих заповедали и просили нас молитися, о коих несть кому молитися, и верных, погребения христианскаго лишенных – в месте светле, в месте злачне, в месте покойне, отнюдуже отбеже болезнь, печаль и воздыхание. И, яко благ и человеколюбец, прости вся вольная их согрешения и невольная и избави их муки вечныя, яко несть человек, иже жив будет и не согрешит, но Ты един еси кроме греха, правда Твоя – правда во веки, и Ты еси един Бог милости и щедрот и человеколюбия, и Тебе славу возсылаем, Отцу и Сыну и Святому Духу, ныне и присно и во веки веков. Аминь.
Вселенская родительская суббота
Доступно о вселенской мясопустной родительской субботе
Протоиерей Андрей Ткачев о ценности заупокойных молитв за усопших (хронометраж: восемь минут)
Молитва за упокой близких и всех усопших
Помяни, Господи, от жития сего отшедшия правоверныя цари и царицы, благоверныя князи и княгини, святейшия патриархи, преосвященныя митрополиты, архиепископы и епископы православныя, во иерейстем же и в притче церковнем, и монашестем чине Тебе послужившия, и в вечных Твоих селениях со святыми упокой. (Поклон)
Помяни, Господи, души усопших рабов Твоих, родителей моих (имена их), и всех сродников по плоти; и прости их вся согрешения вольная и невольная, даруя им Царствие и причастие вечных Твоих благих и твоея безконечныя и блаженныя жизни наслаждение. (Поклон)
Помяни, Господи, и вся в надежди воскресения и жизни вечныя усопшия, отцы и братию нашу, и сестры, и зде лежащия и повсюду, православныя христианы, и со святыми Твоими, идеже присещает свет лица Твоего, всели и нас помилуй, яко Благ и Человеколюбец. Аминь. (Поклон)
Подаждь, Господи, оставление грехов всем прежде отошедшим в вере и надежди воскресения, отцем, братьям и сестрам нашим, и сотвори им вечную память. (Трижды)
Дни поминовения усопших
Заупокойное богослужение в православии:
- На 3, 9 и 40 день со дня кончины и ежегодно.
- Две Вселенские* субботы.
- Родительские субботы (2, 3 и 4 субботы Великого поста).
- В богослужении вообще всякой субботы**.
- В том или ином объеме поминовение усопших совершается ежедневно.
- Подробнее о днях поминовения усопших:
* Вселенские субботы — перед неделей о Страшном суде (1-я, мясопустная) и перед неделей Пятидесятницы (2-я, Троицкая).
** Обычное субботнее богослужение содержит немного заупокойных текстов — примерно столько же, сколько и рядовое вседневное.
